1-öktebir Namayish Chaqiriqi
ھۆرمەتلىك ۋەتەنداشلار!
بۇ يىل 1- ئۆكتەبىر، خىتاينىڭ دۆلەت بايرىمى. لېكىن بۇ كۈن بىز ئۇيغۇرلار ئۈچۈن ماتەم كۈنىدۇر! چۈنكى بۇ كۈن، زالىم كوممۇنىست خىتاي ھاكىمىيىتىنىڭ ۋەتىنىمىز شەرقىي تۈركىستاننى ئىشغال قىلىۋالغىنىغا 69 يىل تولغان كۈن!
مۇستەبىت كوممۇنىست خىتاي ھاكىمىيىتى ۋەتىنىمىزنى ئىشغال قىلىۋالغان 69 يىلدىن بېرى، خەلقىمىزگە قارىتا
ئىزچىل كەمسىتىش، باستۇرۇش ۋە يوقىتىش سىياسىتىنى يۈرگۈزۈپ كەلدى.
بولۇپمۇ، يېقىندىن بۇيان مىليونلاپ ئۇيغۇرلارنى ئاساس قىلغان شەرقىي تۈركىستان خەلقىنى جازا لاگېرلىرىغا ۋە تۈرمىلەرگە قاماش، ئاتا-ئانىسىز قالغان پەرزەنتلەرنى تۈركۈملەپ خىتاي ئۆلكىلىرىگە يۆتكەش، ئۇيغۇر قىزلىرىنى خىتاي ئەرلىرى بىلەن توي قىلىشقا مەجبۇرلاش …قاتارلىق چېكىدىن ئاشقان ئىرقىي ئاسسىمىلياتسىيە ۋە ئىرقىي قىرغىنچىلىق سىياسىتى يۈرگۈزمەكتە! ئانا تىلىمىز ۋە دىنىمىز چەكلىنىپ مىللىي مەۋجۇتلۇقىمىز يوقىتىلماقتا ! خەلقىمىز بىگۇناھ قىرىلماقتا!
ئەزىز ۋەتىنىمىز، چارىسىز قالغان بەختسىز خەلقىمىز، خىتاي زالىملىرىنىڭ زۇلۇمى ئاستىدا ئىڭراۋاتقان مۇشۇنداق ئېغىر، مۇسىبەتلىك كۈنلەردە، خەلقىمىز تارتىۋاتقان بۇ قەدەر زۇلۇمنى تاشقى دۇنياغا ئاڭلىتىش، خىتاي ھاكىمىيىتىگە بولغان غەزەپ-نەپرىتىمىزنى ئىپادىلەش، بىزدەك ھۆر دۇنيادا ياشاۋاتقان ھەر بىر شەرقىي تۈركىستانلىقنىڭ باش تارتىپ بولمايدىغان مىللىي،ۋىجدانى ۋە ئىمانى بۇرچىدۇر!
مۇشۇ مۇناسىۋەت بىلەن نورۋېگىيە ئۇيغۇر كومىتېتى، نورۋېگىيەدە ياشاۋاتقان، تومۇرىدا ئۇيغۇرنىڭ قېنى ئېقىۋاتقان بارلىق شەرقىي تۈركىستانلىقنى، 1-ئۆكتەبىر ئوسلودىكى خىتاي ئەلچىخانىسى ئالدىدا ئۆتكۈزۈلىدىغان نامايىشىغا قاتنىشىشقا چاقىرىق قىلىدۇ!
نامايىش ۋاقتى:
2018-يىلى 10-ئاينىڭ 1-كۈنى(دۈشەنبە)
سائەت 14:30 -16:00
نامايىش ئورنى :
Tuengen allé 2B, 0374 Oslo (ئوسلو (خىتاي ئەلچىخانىسى ئالدىدا
Hörmetlik wetendashlar!
Bu yil 1- öktebir, xitayning dölet bayrimi. Lékin bu kün biz uyghurlar üchün matem künidur! chünki bu kün, zalim kommunist xitay hakimiyitining wetinimiz sherqiy türkistanni ishghal qiliwalghinigha 69 yil tolghan kün!
Mustebit kommunist xitay hakimiyiti wetinimizni ishghal qiliwalghan 69 yildin béri, xelqimizge qarita
Izchil kemsitish, basturush we yoqitish siyasitini yürgüzüp keldi.
Bolupmu, yéqindin buyan milyonlap uyghurlarni asas qilghan sherqiy türkistan xelqini jaza lagérlirigha we türmilerge qamash, ata-anisiz qalghan perzentlerni türkümlep xitay ölkilirige yötkesh, uyghur qizlirini xitay erliri bilen toy qilishqa mejburlash …qatarliq chékidin ashqan irqiy assimilyatsiye we irqiy qirghinchiliq siyasiti yürgüzmekte! ana tilimiz we dinimiz cheklinip milliy mewjutluqimiz yoqitilmaqta ! xelqimiz bigunah qirilmaqta!
Eziz wetinimiz, charisiz qalghan bextsiz xelqimiz, xitay zalimlirining zulumi astida ingrawatqan mushundaq éghir, musibetlik künlerde, xelqimiz tartiwatqan bu qeder zulumni tashqi dunyagha anglitish, xitay hakimiyitige bolghan ghezep-nepritimizni ipadilesh, bizdek hör dunyada yashawatqan her bir sherqiy türkistanliqning bash tartip bolmaydighan milliy,wijdani we imani burchidur!
Mushu munasiwet bilen norwégiye uyghur komitéti, norwégiyede yashawatqan, tomurida uyghurning qéni éqiwatqan barliq sherqiy türkistanliqni, 1-öktebir oslodiki xitay elchixanisi aldida ötküzülidighan namayishigha qatnishishqa chaqiriq qilidu!
Namayish waqti:
2018-yili 10-ayning 1-küni(düshenbe)
Sa’et 14:30 -16:00
Namayish orni :
Tuengen allé 2B, 0374 Oslo (xitay elchixanisi aldida)
Norwégiye uyghur komitéti
