5-féwral ghulja qirghinchiliqi» ni xatirilesh namayishi chaqiriqi

«فېۋرال غۇلجا قىرغىنچىلىقى» نى خاتىرىلەش نامايىشى چاقىرىقى  5

:ھۆرمەتلىك ۋەتەنداشلار
بۇندىن 21 يىل ئىلگىرى يۈز بەرگەن «5-فېۋرال غۇلجا قىرغىنچىلىقى» خاتىرە كۈنى يېتىپ كېلىش ئالدىدا تۇرماقتا.
!بۇنىڭدىن باشقا يەنە، نۆۋەتتە خىتاينىڭ ۋەتەندىكى خەلقىمىزگە سېلىۋاتقان دەھشەتلىك زۇلۇمى ھەم ھەممىمىزنىڭ يۈرىكىنى ئەزمەكتە
.بۇ مۇناسىۋەت بىلەن، 2018-يىلى 5-فېۋرال كۈنى، نورۋېگىيە ئۇيغۇر كومىتېتىنىڭ ئورۇنلاشتۇرۇشىدا، پايتەخت ئوسلودا خىتايغا قارشى نارازىلىق نامايىشى ئۆتكۈزۈلمەكچى
!نورۋېگىيەدە ياشاۋاتقان، ئۆزىنى «مەن ئۇيغۇر» دەپ ھېسابلايدىغان ۋە ھەقىقىي ئۇيغۇرلۇق ۋىجدانىنى يوقاتمىغان بارچە قېرىنداشلىرىمىزنى شۇ كۈنكى نامايىشقا قاتنىشىشقا چاقىرىمىز
فېۋرال غۇلجا قىرغىنچىلىقى» يۈز بەرگەن ئاشۇ كۈنى، نەق مەيداندىلا 100 دىن ئارتۇق ئوغلانلىرىمىز ئەتىپ ئۆلتۈرۈلدى. قالغان نامايىشچىلار تۇتقۇن قىلىندى، قەھرىتان سوغاقتا يالىڭاچلىنىپ سوغۇق سۇ چېچىلدى، غالجىر ئىتلارغا تالىتىلدى..! ۋەقەدىن كېيىن 4000 دىن

ئارتۇق كىشى تۇتۇلدى، ئۇلاردىن 200 دىن كۆپرەكى ئۆلۈمگە مەھكۇم ئېتىلدى
بىز بۈگۈن بۇ يىراق يۇرتلاردا، بۇندىن 21 يىل بۇرۇنقى ئاشۇ پاجىئەلىك كۈندە تۆكۈلگەن قان ۋە پىدا قىلىنغان جانلار بەدىلىگە خاتىرجەم ياشىماقتىمىز. ئۇلارنى ياد ئېتىش، خاتىرىلەش ۋە دۇئا قىلىش بىزنىڭ باش تارتىپ بولمايدىغان، مىللىي، ۋىجدانى ۋە ئىمانى بۇرچىمىزدۇر! بۇنىڭدىن باش تارتىش شېھىتلىرىمىزگە قىلىنغان تۇزكورلۇق ۋە ۋىجدانسىزلىقتۇر
فېۋرال» نامايىشىغا كېلىڭ! سىزدىن قان كەتمەيدۇ، جان تېخىمۇ كەتمەيدۇ! پەقەت ۋە پەقەتلا 2-3 سائەتلىك ۋاقتىڭىز كېتىدۇ. بۇنىڭ بەدىلىگە ۋەتەن- مىللەت ئۈچۈن كىچىككىنە بىر ئىش قىلغان، ئۇيغۇرلۇق بۇرچىڭىزنى ئاز بولسىمۇ ئادا قىلغان بولىسىز، ۋىجدانىڭىز !تەسكىن تېپىپ، راھەتلىنىپ قالىسىز

نامايىش ۋاقتى: 2018-يىل، 2-ئاينىڭ 5-كۈنى(دۈشەنبە)، چۈشتىن كېيىن سائەت 14:30-16:00

نامايىش ئورنى: ئوسلودىكى خىتاي ئەلچىخانىسى ئالدىدا
Tuengen allé 2B, 0374 Oslo   :ئادرېسى

نورۋېگىيە ئۇيغۇر كومىتېتى
2018-يىل، 13-يانۋار

«5-féwral ghulja qirghinchiliqi» ni xatirilesh namayishi chaqiriqi

Hörmetlik wetendashlar!
Bundin 21 yil ilgiri yüz bergen «5-féwral ghulja qirghinchiliqi» xatire küni yétip kélish aldida turmaqta.
Buningdin bashqa yene, nöwette xitayning wetendiki xelqimizge séliwatqan dehshetlik zulumi hem hemmimizning yürikini ezmekte!
Bu munasiwet bilen, 2018-yili 5-féwral küni, norwégiye uyghur komitétining orunlashturushida, paytext osloda xitaygha qarshi naraziliq namayishi ötküzülmekchi.
Norwégiyede yashawatqan, özini «men uyghur» dep hésablaydighan we heqiqiy uyghurluq wijdanini yoqatmighan barche qérindashlirimizni shu künki namayishqa qatnishishqa chaqirimiz!
«5-féwral ghulja qirghinchiliqi» yüz bergen ashu küni, neq meydandila 100 din artuq oghlanlirimiz etip öltürüldi. Qalghan namayishchilar tutqun qilindi, qehritan soghaqta yalingachlinip soghuq su chéchildi, ghaljir itlargha talitildi..! weqedin kéyin 4000 din artuq kishi tutuldi, ulardin 200 din köpreki ölümge mehkum étildi!!
Biz bügün bu yiraq yurtlarda, bundin 21 yil burunqi ashu paji’elik künde tökülgen qan we pida qilin’ghan janlar bedilige xatirjem yashimaqtimiz. Ularni yad étish, xatirilesh we du’a qilish bizning bash tartip bolmaydighan, milliy, wijdani we imani burchimizdur! buningdin bash tartish shéhitlirimizge qilin’ghan tuzkorluq we wijdansizliqtur!
«5-féwral» namayishigha kéling! sizdin qan ketmeydu, jan téximu ketmeydu! peqet we peqetla 2-3 sa’etlik waqtingiz kétidu. Buning bedilige weten- millet üchün kichikkine bir ish qilghan, uyghurluq burchingizni az bolsimu ada qilghan bolisiz, wijdaningiz teskin tépip, rahetlinip qalisiz!
Namayish waqti: 2018-yil, 2-ayning 5-küni(düshenbe), chüshtin kéyin sa’et 14:30-16:00
Namayish orni: oslodiki xitay elchixanisi aldida
Adrési: Tuengen allé 2B, 0374 Oslo
Norwégiye uyghur komitéti
2018-yil, 13-yanwar